Ja putujem

Iskoristite prednosti registriranih članova!
Upišite svoje podatke za logiranje
Ja putujem

Free forum for free travel

Mjesec Božića i Nove Godine....mjesec radosti i veselja....uživajte....


  • Započni novu temu
  • Odgovori na temu

samoborski horoskop

Share

Giga
Moped
Moped

Registration date : 03.02.2008

samoborski horoskop

Postaj by Giga on 10/3/2008, 16:11

OFCA (20.3. – 20.4.)
ZA ŽENSKE:
Leto kaj je pred vami vleče na
dobro. Pogotovo se to odnosi na ženske kaj su pred rastavom ili se na
bilo koji drugi način hočeju rešit vraga.
Savet: Samo napred!
ZA MOŠKE:
Do
polovice leta tak - tak, od polovice do kraja nikak. Se delate na svoju
ruku, a to ni lepo ni po crkvenim regulama. Možda su vam jalni na
mišičima, al ni se vu masi.
Savet: Promenite ruku.
ZA POLITIČARE:
Ak
mislite kaj dobrega fkrast, napravite to prije leta. Posle vam je bolše
samo lajat bez veze. Čuvajte se koalicija z još gorima od sebe!
Savet: Promenite glasnogovornika.
BIKONJA (21.4. – 21.5.)
ZA ŽENSKE:
Ženski
biki, to jest krave, ne bi se više trebale dati musti od gorih od sebe.
Pokažite malko energičnosti i zamučite da vas si čujeju.
Savet: Električna mužnja.
ZA MOŠKE:
Lepo
se je špinčit po gmajni di vas si poznaju. Probajte se fputit vu svet,
bar do druge gmajne i drugega bika. Mogli bi se i ugodno iznenadit.
Savet: Roge van!
ZA POLITIČARE:
Ova
izborna sezona za vas bi trebala bit puni pogodak. Ali, oprez! Još se
dobro zmislite one zajdne, kad su vam naravnali i noge i roge.
Savet: Nedajte jaram na se!
DVOJČEKI (22.5. – 21.6.)
ZA ŽENSKE:
Ono
kaj ste vidli neki dan ni prava ženska. To vam se danas dela pri
doktorima. Saka malo bolša saborska zastupnica več si more priuštit
remont glave, riti ili cele karoserije.
Savet: Liposukcija.
ZA MOŠKE:
Stalno
vas muči kaj sused ima, a vi nemate! Evo, sada se vrnul ze skijanja po
Austriji, vi se hočete pojest od muke. Poštudirajte si malo: morti se
splati zatuč ga i odležat par let.
Savet: Sekira.
ZA POLITIČARE:
Se
ideje kaj ih imate, a nemate ih preveč, nemojte spucat več do proleča.
Na jesen ih iznenadite z nečim jakim. Z predlogom večih penzija, na
primer.
Savet: Zemite si savetnika.

MALA RAKOVICA (22.6. – 22.7.)
ZA ŽENSKE:
Neke
vaše dileme oko tega jeste se sa ova leta trebali više trošit z muškima
nisu vam treb. Odgovor je: jeste! Sad je malo kasno, al se vi samo
nadajte.
Savet: Kompletna limarija.
ZA MOŠKE:
Leto vam
je lepo počelo. Dobili ste otkaz, ženska vam je prešla z drugim, a čini
se da je ovo kaj vas kopa nekakvi tumor. Ostatak leta ne bu niš jači.
Osim tega tumora.
Savet: Više smeha.
ZA POLITIČARE:
Na
skupštini stranke pak su vas meknuli v stran. I to ko!? Oni kaj su tu
od jučer! Imate četri leta da im pokažete ko je pravi sljedbenik
izvornih ideja osnivača.
Savet: Promenite stranku.
LAFICA (23.7. – 22.8.)
ZA ŽENSKE:
One
muzički navudrene ovo leto čeka lepo iznenađenje. Mogle bi snimiti
kakvi CD, a, ak im se posreči, mogel bi ih naguzit i kakvi bolši
menađer.
Savet: Manje popevajte, više zevajte.
ZA MOŠKE:
Dobra
vest za one zimogrožlive. Zagađenje lepo napreduje, pa bu na Zemli ovo
leto još toplije. Zanavek zaboravite na duge gače i ličke čarape.
Savet: Rit na sunce!
ZA POLITIČARE:
Več
mesecima vas ni jen novinar ni zval, a to vam se bu nastavilo celo
leto. Ak se več nečete pijani zaletet z autom v zid, nek vas baba hiti
po štengami.
Savet: Ne zovite hitnu, nek novinare.
JUNFERICA (23.8. – 22.9.)
ZA ŽENSKE:
Obleku
niste obnovili ni prošlo leto, a ni ovo se ničem bolšem nemrete nadat.
Počnite prepravlat od staroga. Moguće novitete morete očekivat pred
zimu, od Caritasa.
Savet: Moda labudova.
ZA MOŠKE:
Oni
med vami kaj se voliju bavit z lovom i z ribolovom več čekaju lepi
trofeji. Srnetine se najde pri Runtasu, a friške ribe pri Kuzmi na
placu.
Savet: Meri, važi, laži.
ZA POLITIČARE:
Ovo bu leto
prešlu vu lovu na one kaj imaju velku lovu. Ak ste med nimi, mam
priznajte da ste se pošteno zaslužili. Možda vas i pustiju.
Savet: Bolše pokajnik, neg pokojnik.

VAGANJ (23.9. – 22.10.)
ZA ŽENSKE:
One
Vage kaj su zebrale bit doma, tzv. domačice, ovo bi leto trebale dojt
na svoje. Vlada bu sakoj takvoj babi dala po jen fertun, kuhaču, i
litru Čarlija.
Savet: Kuharice, manje zbori.
ZA MOŠKE:
One
kaj su im pri srcu auti, ovo leto čekaju iznenađenja. Konačno bumo i mi
delali Stojadine, pa si bu saka hiža mogla po jednega privuščit, bar za
po dvorišču.
Savet: Istaknite Crvenu zastavu.
ZA POLITIČARE:
Čuvajte
se da vu TV emisijama pak ne delaju majmuna od vas. Da vam to šteti,
vidite po temu kaj vas više niko ne pozdravla na cesti ni v birtiji.
Savet: Začepit i trpet!
ŠKORPIJUN (23.10. – 21.11.)
ZA ŽENSKE:
Ovo
bi leto moglo za vas biti leto avantura. Hrabro se prepustite sim
izazovima i - krenite! Ak treba i do Velkog Dola, Gabrovice, a možda i
dale... Sad il nikad!
Savet: Pazite po štengama.
ZA MOŠKE:
Dojadil
vam bu vaš dobro plačeni posel čistača vu Komunalcu i zaželeli bute
nekaj više. To je v redu, ali - oprez! I drugi bi šteli vu Gradski
vodovod!
Savet: Lopatu zemite ze sobom.
ZA POLITIČARE:
Stranka
vam bu poverila odgovorni zadatak pisanja izbornega programa. Nemojte
se delat pametni. Prepišite od drugih ono kaj su oni več prepisali od
vas.
Savet: Piše se ne ću, a ne neću.
STRELEC (22.11. – 21.12.)
ZA ŽENSKE:
Po
prirodi ste jalni, pa bi vas ovo leto moglo koštat živcih. Kad vidite
kak si babe ravnaju trbuhe i peglaju glave, dojde vam zlo. Vi nemate ni
za frizuru!
Savet: laserska hidroliporekonstrukcija.
ZA MOŠKE:
Vreme
je velkih očekivanja. Strelci kaj imaju nekaj grunta moreju se nadat
prenameni vu gradilište, a oni kaj nemaju, moreju im prek plota klet
mater lopovsku.
Savet: Tri kata su bolša neg dva.
ZA POLITIČARE:
Ak
vas deneju da vodite kampanju vu mesnom odboru, mam zmislite nekaj da
dojdete v novine. Najefektnije je da pustite glas da su vas za šankom
prisluškivali.
Savet: Bolše mesni neg bezmesni odbor.

JAREC (22.12. – 20.1.)
ZA ŽENSKE:
Tu
i tam vam se čini da vas je partner malo zanemaril. To vidite po temu
kaj je doma dopelal drugu žensku, a vas hitil z hiže, promenil bravu,
frizuru i dokumente.
Savet: Budite strplivi.
ZA MOŠKE:
One
kaj imaju radi šport, čeka velka neizvesnost. Klub vam se bu pojačal,
al je velko pitajne jel bu ostal vu ligi. Ak ne bu, morete pak preorat
igralište i posadit kuruzu.
Savet: Hibrid E 943.
ZA POLITIČARE:
Na
žalost, ovo vam leto niš ne bu išlo od ruke. Ak vas več ne vloviju radi
one zemle, onda vas buju radi onega posla z opčinom, ili pak radi onega
kaj ste imali z onom.
Savet: Zemite fiškala.
WASERDIHT (21.1. – 18.2.)

ZA ŽENSKE:
Vaša
sklonost poslovima financijske naravi ovo bi leto trebala dojt do
izražaja. Posel na blagajni vu Konzumu mogli bi zamenit za još bolši vu
Kauflandu.
Savet: Iščite otpremninu.
ZA MOŠKE:
Lepo se
kaže za one kaj bi si konačno kupili kakvo manje trsje i klet. Zbilam
imate sreče! Se se vidi da bu na jesen tuča se potukla i da buju cene
opale.
Savet: Plemenka bela ili Muškat crni.
ZA POLITIČARE:
Konačno
bu i vama krenulo! Leta zavlačenja vrit predsedniku daju rezultate.
Morete se nadat mestu vu Poglavarstvu, mestu na listi i, morti,
službenemu autu.
Savet: Mercedes CLS 350
FIŠ (19.2. – 20.3.)
ZA ŽENSKE:
Svoja
jet-set iskustva z burze za nezaposlene i glamuroznih poslova čiščenja
stubišta ovo bute leto konačno objavili v knigi, a morti bu snimlena i
sapunica.
Savet: Tonči Huljić.
ZA MOŠKE:
Kad bute več
mislili da živlejne nema smisla i da je bolše prikratit si muke, vidli
bute svetlo vu daljini. Samo pazite da ni kamion. Ak je, iskoristite
šansu!
Savet: MAN F2000.
ZA POLITIČARE:
Ovo ni vreme za
velke poteze. Ne javlajte se za reč, samo zdižite ruku. Ne
komentirajte, ne ulazite vu rasprave. Zapraf, delajte ko i do sad.
Savet: Kad več pušite, onda i uvlačite.
  • Započni novu temu
  • Odgovori na temu

Sada je: 4/12/2016, 18:23.